mütləq sükutun hay həşiri
Sükutu pozur,
danışır, oxuyur,
bəzən xəbər verir olanlardan ,
keçənlərdən.
Buz kəsən otaqların divarları
isinir bu səsin hənirtisinə.
Ehtiyac duyulur bu səsə .
Səsə ehtiyac duyuruq
hamımız.
Səs salırıq qəlbimizlə,
nəbzimizlə.
Mütləq sükut
əməlləri tərpətəcək,
Mütləq sükut
ürəkləri titrədəcək.
Elə o da səs salacaq .
Öz səsini duyuracaq seçdiyinə,
sevdiyinə .
Comments
Post a Comment