Fahişələr mövsümü
Daha bir
axşam
səssiz,səmirsiz.
Daha bir
bayram
kəndsiz,dəlisiz.
Daha bir məqam.
Bu axşamı
donduran,
qışdan
xatirə kimi gözümüzdə əridən
ey,siyah
tellim!
Bahar bu
günlərdə
təqvimini
qışa satır.
Günəşin
kiminlə sevişdiyi bəlli deyil.
Bu şəhəri
unudub.
Qarşımda rəqs
edirdin...
Musiqidən,zamandan,
sənə
baxdığım yerdən uzaqda,
fahişəlik
mövsümünün hakim olduğu bağlarda.
Bağ dediyim
daş
yığını...
bir birini
ayaqlayan otaqlar,
bir birinin
başı üstdə boz səmalar.
Daş səmalar.
Daş dediyim
düşüncələr,cümlələr.
Daş dediyim
təhqirlər,
sənə uzanan
əllər.
Daş dediyim
bu şəhər!
Baharı
geyinməkdə çətinlik çəkən,
sənin
çılpaqlığınla canın isidən
bu şəhər..
səni unuda bilmir...
* * * *
Comments
Post a Comment