Şirin məhlul
Divar yıxıldı,istiqlal gəldimi?!
Indi bizim üstümüzdən əsir qərbin küləyi...
O küləkdir yoğuran hər xəmiri,çörəyi.
Düşüncələr küləklərdə yox olur!
Indi bizim üstümüzdən əsir qərbin küləyi...
Nə aparır?!
Nə gətirir?!
Bilirəm ki toxum səpir.
Bəs nə əkir?
Nə bitirir?
Qan axıtdıq,
divarı yıxmaq
üçün.
Boylanıb üfüqlərə
yaxşıca baxmaq
ücün...
Gözümüzü qan tutdu!
Divar bundan
yaxşıdır!
Hürriyyət tapmaq ücün,
açar qandan yaxşıdır!
Biz hasarı dağıtdıq,
başımıza
dağıldı...
Şimdi ənkaz altında
istiqlal
axtarırıq!
Namus qaldı,ar qaldı.
Dərdlərimiz çoxaldi.
Faciələr,xainlər,
bazarlar və dəllallar.
Şüarda istiqlallar...
Indi bizim üstümüzdən əsir qərbin küləyi....
Düşüncələr yox olur!
Həll olurmu məchullar?
Biz yenə qan içirik,
adı şirin məhlullar!
* * * *
Comments
Post a Comment